domingo, 25 de diciembre de 2011

Alcuentru d’Iviernu de Furmientu

Estimáu amigu
Cumo tódolos años, l’asociación Furmientu celebra’l sou tradicional Alcuentru d’Iviernu. Esti añu, l’eventu tendrá llugar na ciudá de Zamora’l sábadu 7 de xañeiru a las 14:00 en C/Amargura, 33 4ºD. Illí, reunirémonos pa dir a comer, pa despuéis eichar la tarde na sede de l’asociación.
Aguardamos la tua presencia. Pa ello, ye necesariu que nos confirmes la tua asistencia llamando a los siguientes númaros de teléfonu:  626102171 / 695515386
Recibe un afectuosu saludu.

jueves, 22 de diciembre de 2011

“NEL BRIEZU”, ÑUEVU DISCU DE FRAN ALLEGRE

Presentación: Palacio de Don Gutierre, León, el jueves 22 de diciembre de 2011, a las 20:00 h.
Fran Allegre fa un trabayu de recollección, composición y gravación de 16 cantos d’arrumar en 9 temas. 47 minutos de música p’adormecer, y pa espertar.
La mayoría de los temas fonen apañaos por Fran, dalgunos del Cancioneiru Llionés, y outros del archivu d’Ambás. Tódalas lletras están en llengua asturllionesa: dalgunas recoyidas asina, y outras traducidas a la fala tradicional de cada llugar. La d’Ancares está en gallegu.
Los instumentos que sonan nel discu fonen feichos pol outor ya que tamién ye artesanu. Son: arpa, rabeles tradicionales llioneses de diferientes xeitos y afinaciones, zanfonía de xeitu propiu, zuzaina o chifla de pastor duas afinaciones, chiflas de varias afinaciones, tamborín, pitos, pandereta, pandeiru cuadráu y gaitas del país en duas afinaciones.
Estos instrumentos y los outros (mandolina, guitarra, laúd, esquilones, apañasueños, curdión de coste 3 cuballibres, secadore, etc) son tocaos por Fran Allegre en tódalas canciones, y las voces son suas tamién. Menos las melodías base y las lletras, todo, contando segundas melodías, arregros y melodías ñuevas, son de composición propia, y por supuesto está grabáu y ecualizáu na sua casa.

miércoles, 14 de diciembre de 2011

Recital y magosto en Castrillo de los Polvazares (León)


Non tódalas nueites tien unu la suerte de deixase envolver polas palabras, de que la música xurda a fuegu lentu, de que esi dalgo que tienen los magostos faga agachanos a escuitar tódolo que nos tien qu’enseñar la tierra que pisamos y, la que pisoron aquellos qu’iviernu tras iviernu, fecieron posible que güei esteamos eiquí.
Hai veces que los baillarines interpretan la danza de los versos y el públicu empieza a engalanar la coreografía.
Hai llugares nos que los sous requeixos illuminan la tua sonrisa sabiéndote deudor de tódalas enciclopedias qu’hai escritas nas suas paredes y l’abellugu que nos ofrez el pasáu se-y xuntas la savia del presente.
Seguro que’l sábadu 17 de diciembre a las 22:30 dalgo de todo esto ocurrirá n’El Trechuro (Castrillo de los Polvazares – Llión)