El Club Xeitu, asociación aconchegada a la montaña suroccidental asturllionesa acaba de publicar un volumen de más de duascientas páxinas tituláu “Pequena enciclopedia de nós”, de l’outora llionesa, yá fallecida, Eva González.
De la escritora Eva González Fernández (Palacios del Sil, 1918-2007) quedonen muitas obras escritas y publicadas a la súa muerte, destacando las de la serie Na Nuesa Tsingua (axuntadas na publicación Poesías ya cuentus na nuesa tsingua, 2007) y Cuentos completos (2008), onde se compilonen las narraciones y cuentos.
Nesta ñueva obra, Pequena enciclopedia de nós, Xeitu publica los sous escritos filolóxicos y culturales: vocabularios, reflaneiru, cusitsinas, escritos etnográficos y cantares, redactaos entre 1980 y 1985. Queda, asina, pendiente de publicar la súa obra “Hestoria de mia vida”, a modu de biografía.
No hay comentarios:
Publicar un comentario