Irma González-Quevedo obtién el premiu del certamen "Guzmán Álvarez"

El Club Xeitu ficio públicu el fallu del xuráu del 3er Certamen Literario en Patsuezu “Guzmán Álvarez", que recayíeu n’Irma González-Quevedo, pola súa obra Eternidá.

Irma González-Quevedo (Uviéu, 1987) ya conseguíeu'l premiu na modalidá de poesía na primeira edición, en 2009. Diplomada n'Enfermería pola Universidá d' Uvieu, muéstrase interesada pola lliteratura y cultura del Altu Sil, tierra de la que yíe natural toda la súa familia paterna y ñeta de la escritora Eva González.

El premiu vaise a entregar nel Recital de Patsuezu que se celebrará en La Casona de San Miguel drentu de los actos del Mercáu Tsacianiegu. El recital será'l próximu 6 de agostu y nél van a estar dalgunos escritores en patsuezu, que leyerán testos de creyación propia, así como la outora premiada, que leyerá la obra ganadora y recoyerá'l premiu.