jueves, 30 de diciembre de 2010

LAS ASOCIACIONES DE DEFENSA DEL LLIONÉS DENUNCIAN QU'EL PP SE ÑEGA A LA PROTECCIÓN DE LA LLENGUA

Énte la noticia de que nos presupuestos próximos de la Xunta de Castiella y Llión nun vai dir un euro pa la protección del llionés nin pal fomentu del usu y promoción d'esta llengua, las asociaciones que trabayamos en defensa d'eilla queremos denunciar la falta total d'interés del gobiernu autonómicu por esta parte del nuesu padremuñu cultural, qu'ye cumo lo reconez l'artículu 5.2 del Estatutu d'Autonomía, y la súe contumacia nel incumplimientu d'esta norma legal que diz que "el llionés vai ser obxectu de protección específica por parte de las instituciones pol sou valor particular dientro del padremuñu llingüísticu de la Comunidá. La súe protección, usu y promoción van ser obxectu de regulamentación".

Despuéis de trés años de vixencia del estatutu reformáu col reconecimientu legal del llionés, el gobiernu de la Xunta vien ignorando sistemáticamente'l mandáu estatutariu, mandáu ratificáu polas Cortes de Castiella y Llión pola resolución aprobada por unanimidá nel plenu del 26 de mayu de 2010, onde-ye instaba a proceder a la regulamentación normativa mencionada del llionés. Outramiente, ignoróu la resolución nel mesmu sentíu emitida pol Procurador del Común de Castiella y Llión y las diversas instancias qu'ésti dirixíu a las conseyerías competentes. D'outra banda, queremos recordar que nun está incumpliéndose namás l'Estatutu de la Comunidá Autónoma, tamién s'incumple la Carta Europea de las Llenguas Minoritarias ou Rexonales del Conseyu d'Europa, que guarda los dreitos llingüísticos de los falantes d'esta llengua y la mesma Constitución Española, que nel artículu 3.3 manifiesta que "La riqueza de las distintas modalidades lingüísticas d'España ye un padremuñu cultural que será obxectu d'especial respectu y protección.".

Queremos resaltar la falta clamorosa de coherencia del grupu parllamentariu del Partido Popular que, despuéis de votar l'aprobación del artículu 5.2 y la resolución del 26 de mayu, agora veta la enmienda a los presupuestos presentada pol grupu socialista pa dedicar una partida a la protección, usu y promoción del llionés, dientro de la promoción y difusión cultural del padremuñu llingüísticu.

Asociación Agora País Llionés

Buraco Asociación Cultural

Asociación cultural La Caleya

Asociación cultural Campo Aliste

Asociación cultural Documentación y estudio del Rebollar

Asociación cultural Facendera pola llengua

Asociación cultural zamorana Furmientu

El Teixu, rede pal estudiu y defensa de la llengua asturllionesa




No hay comentarios: